Domusnova og Ingunn Björg kynna í sölu fallega, bjarta og vel skipulagða þriggja herbergja endaíbúð á annari hæð ( gengið upp hálfa hæð ) með bílastæði í bílakjallara við Logafold 22 í  Grafarvogi. Um er að ræða íbúð sem skráð er 99,3 m2 að stærð skv. fasteignaskrá HMS auk geymslu og bílastæðis sem skráð er 23 m2 , samtals er eignin 123,6 m2.  Íbúðin skiptist í forstofu, eldhús með fínum borðkrók, þvottahús inn af eldhúsi, eldhús sem opið er við stofu að hluta, tvö herbergi, baðherbergi, geymslu í kjallara auk sérmerkts bílastæðis í bílakjallara. Rúmgóðar suðursvalir. 

Húsið stendur á jaðarlóð og er göngustígur og opið svæði aftan við húsið. Einstaklega fallegt útsýni út á fjörðinn. Næg bílastæði. 

Sérlega góð eign með mikla möguleika. Fjölskylduvænt umhverfi, stutt í leikskóla, grunnskóla og alla helstu þjónustu. Frábærar gönguleiðir og útivistasvæði  í nágrenninu.

                            - EIGNIN ER LAUS TIL AFHENDINGAR VIÐ UNDIRRITUN KAUPSAMNINGS -

Nánari upplýsingar veitir: Ingunn Björg Sigurjónsdóttir löggiltur fasteignasali / s.856 3566 / [email protected]

Lýsing eignar:
Forstofa: Mjög rúmgóð, flísar á gólfi, stór fataskápur. 
Eldhús: Fín eldri innrétting, fallegur rúmgóður borðkrókur, flísar á gólfi. Opið að hluta við stofu. Útgengt út á suðursvalir með fallegu útsýni út á fjörðinn. 
Stofa: Rúmgóð og björt með gluggum á tvo vegu. Parket á gólfi. 
Svalir: Rúmgóðar suðursvalir með svalaskjóli að hluta. Fallegt útsýsni.
Hjónaherbergi: Rúmgott, parket á gólfi, fataskápur.
Barnaherbergi: Rúmgott, parket á gólfi, fatahillur. 
Baðherbergi: Flísalagt gólf.  Baðkar með sturtu, eldri innrétting með efri og neðri skápum. 
Þvottahús: Staðsett inn af eldhúsi, mjög rúmgott, tengi fyrir þvottavél og þurrkara. Flísar á gólfi. 
Bílastæði:  23 m2 sérmerkt bílastæði í upphituðum bílakjallara með þvottaaðstöðu. 
Sérgeymsla staðsett í kjallara ásamt sameiginlegri hjóla og vagnageymslu.

Ath. Myndir í stofu , borðkrók í eldhúsi og hjónaherbergi eru tölvuteiknaðar til þess að sýna möguleikana sem rýmið hefur upp á að bjóða. Íbúðin er tóm í dag. 

Athygli er vakin á því að seljendur hafa ekki búið í eigninni og þekkja því ekki ástand hennar að öðru leyti en fram kemur í söluyfirlitinu. Væntanlegum kaupendum er því bent á að skoða eignina með það í huga. 


Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. DOMUSNOVA fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Um ástand einstakra eignarhluta:
Efst í söluyfirlitli þessu er að finna dálka um ástand einstakra hluta eignarinnar. Eftirfarandi lykil er til skýringar á þeirri skráningu:

  Nýtt - Eignin er nýbygging.
  Upprunalegt - Seljandi veit ekki til þess að byggingarhluti hafi verið endurnýjaður.
  Endurnýjað - Byggingarhlutinn hefur verið endurnýjaður í heild sinni á einhverjum tímapunkti.
  Endurnýjað að hluta - Hluti byggingarhlutans hefur verið endurnýjaður á einhverjum tímapunkti.
  Ekki vitað - Seljandi þekkir ekki til ástands og ekki er hægt að leggja mat á það með sjónskoðun.

Gjöld sem kaupandi þarf að standa straum af vegna kaupanna:

1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu skv. gjaldskrá.
5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.