Domusnova, Haukur Páll Ægisson, löggiltur fasteignasali kynna í einkasölu, fimm herbergja einbýlishús með rúmgóðum bílskúr í fallegu hverfi á Stokkseyri með garði sem snýr til suðurs.  
Um er að ræða timburhús með hvítu bárustáli að utan og er húsið byggt árið 2008. Samkvæmt HMS þá skiptist íbúðin í 146.8 m², bílskúr 50.8 m² eða samtals 197.6 m².

Eignin skiptist í forstofu, stofu, borðstofu, eldhús, baðherbergi, fjögur svefnherbergi, þvottahús og stóran bílskúr.

Nánar um eignina.
Forstofa er með flísum og upphengdum skáp.
Eldhús er rúmgott með góðu vinnuplássi, hvítri fallegri innréttingu og upphengdum skápum. Eldhús er opið við stofu og borðstofu.
Stofa og borðstofa eru í einu opnu rými, mjög rúmgóð og björt með útgengi út á sólpall sem snýr til suðurs.
Fjögur svefnherbergi eru í húsinu.
Baðherbergið er plássgott, flísalagt með hvítri innréttingu með tveimur vöskum, upphengdum speglaskáp og öðrum skáp þar við hlið, nuddbaðkari og sturtu (walk in) með glervegg. Útgengt er út á sólpall af baðherbergi.
Innst á ganginum er þvottahús með góðri innréttingu, flísar á gólfi og er einnig útgengt út á veröndina þaðan.
Mikil og góð lofthæð er í öllu húsinu með innbyggðri lýsingum.
Bílskúr er einstaklega rúmgóður, flísalagður með geymslulofti yfir hluta af skúrnum. Lokuð lúga er upp á loftið. 
Gólfefni hússins eru harðparket í öllum rýmum nema baðherbergi, þvottahúsi og forstofu þar eru flísar. 
Gólfhitakerfi er í húsinu og er því stýrt í hverju rými.
Lóðin er fullfrágengin, tyrfð og með stórum sólpalli, heitum potti, skjólgirðingum til suðurs og gangstétt með hitalögnum fyrir framan. 
Bifreiðastæði með mulning í.

Sólpallur, gluggar og allt tréverk var málað síðastliðið sumar 
Mögulegt er að fá eignina afhenta fljótlega eftir kaupsamning.

Virkilega falleg eign sem vert er að skoða.

Nánari upplýsingar veita:
Haukur Páll Ægisson löggiltur fasteignasali / s.7729970 / [email protected]
Skrifstofa / s.527-1717 / [email protected]


Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. DOMUSNOVA fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Gjöld sem kaupandi þarf að standa straum af vegna kaupanna:

1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu skv. gjaldskrá.
5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.