Um er að ræða 90,3 fm sumarhús, byggt 1995 ásamt baðhúsi/geymslu/gestahúsi, 23,4 fm, byggt 2012 og óskráð geymsla 9 fm. Heildarstærð húsa er því um 122,7 fm alls.
10.000 fm lóð er ævintýralóð með fullt af trjám, alls kyns svæðum og lundum, skrauti og fl. Sjón er sögu ríkari.
Eignin er í fyrirmyndar viðhaldi, eldhús og baðherbergi í aðalhúsi var endurnýjað 2020.
Mest allt innbú fylgir með utan persónulegra muna.
Nánari lýsing:
Gengið er inn í rúmgóða forstofu sem er flísalögð og með góðum fataskáp.
Þrjú svefnherbergi, öll með tvíbreiðum rúmum, parketi á gólfum og fataskápar lausir í tveimur.
Baðhefbergið í aðalhúsi er með sturtuklefa, upphengdu salerni, vaski, skápum og flísum á gólfi með gólfhita.
Eldhúsið er mjög rúmgott, mikið skápapláss, innbyggður ísskápur og uppþvottavél, helluborð og bakaraofn, góð lýsing í innréttingu og fallegur eldhúsgluggi veitir góða birtu.
Alrýmið hefur mikinn karakter, skrautmunir liðinna ára einkenna rýmið. Stórt matarborð, mikið af sætum í stofu. Hluti stofu er með flísum og gólfhita, borðstofa og eldhús með parketi.
Fram úr borðstofurými er falleg verönd sem eigendur hafa stúkað að hluta af með segli.
Verönd er mjög rúmgóð, heitur pottur og tengist svo hinum húsunum.
Um 9 fm óskráð geymsla, með hillurekkum og parket á gólfi.
Einnig er gott rými með þvottaaðstöðu, þvottavél og þurrkara, aukaískáp og gott hillupláss.
í þriðja rýminu, sem tengist aukahúsum, er góð innrétting með vaski, sturtuklefi, gufubað og eitt svefnherbergi.
Garðurinn og lóðin er svo ævintýraheimur út af fyrir sig með mörgum svæðum, lundum, tjörnum, skrautmunum, stórum grasbala og lækur rennur meðfram á einni hlið.
Húsið stendur á steyptum súlum, gólfhiti er í aðalhúsi í stofu, undir öllum flísum, baðherbergi og einnig í baðhúsi.
Ofnar eru líka til staðar í mörgum rýmum. Kynding er í lokuðu kerfi með frostlegi.
Húsið stendur á 10.000 fm leigulóð úr landi Stóra-Áss. Nýr leigusamningur til 25 ára var undirritaður 2022 og mun nýr eigand yfirtaka hann við kaup. Leigugjald lóðar, kalda vatnið og hitaveita vegna 2023 er um 288.000 kr allt árið. Gjalddagar á leigu og vatni eru 1.feb, 1.jún og 1.okt, skipt í þrennt. Rarik og orkusalan er um 70.000 kr á ári skv. eiganda miðað við þeirra notkun.
