Húsið er um 87 fm að stærð, forstofa, tvö svefnherbergi, baðherbergi, alrými (eldhús/stofa/borðstofa) ásamt stórum sólpalli, geymsluhúsi og góðri innkeyrslu.
Síðustu ár er búið að endurnýja þak með nýjum pappa, járni og vinskeiðum. Suðausturgluggi var endurnýjaður ásamt því að mikið af húsinu hefur verið málað innanhúss, sem gerir það einstaklega bjart og fallegt í alla staði.
Megnið af innbúi getur fylgt með utan persónulegra muna skv. nánara samtali.
Nánari lýsing: Forstofa - er mjög rúmgóð með fataskáp, kommóðu og parketi á gólfi. Svefnherbergi - eru tvö, bæði rúmgóð með parketi á gólfi og fataskáp. Baðherbergi - er með sturtu, salerni, góðri innréttingu með vaski, parketi á gólfi og tengi fyrir þvottavél. Alrými - rúmar eldhús/stofu/borðstofu, er bjart, hátt til lofts og rúmgott í alla staði með parketi á gólfum. Eldhús - innrétting með efri og neðri skápum, eyja með skápum og eldavél, pláss er fyrir einfaldan ísskáp. Stofur - eru tvær, stóra stofa á aðalrými og svo minni setustofa í bíslagi. Sólpallur - er á þrjá vegu við húsið, um 100 fm og er góð geymsla undir austurenda hans. Geymsla - skúr um 6 fm er við vesturenda sólpalls.
Eignin er kynnt með varmadælu (loft í loft) og hitakútur er fyrir neysluvatn, rafmagnsofnar í herbergjum.
Húsið stendur á leigulóð og er virkur 50 ára leigusamningur frá 2007 sem nýr eigandi yfirtekur. Lóðaleiga 2023 er 55.000 kr og er félagsgjald sumarhúsafélags, 15.000 kr á ári. Skv. eiganda er rafmagnskostnaður um 150.000 kr á ári miðað við núverandi notkun.
