Hrannar Jónsson, löggiltur fasteignasali og Domusnova fasteignasala kynna:
Um er að ræða sumarhús/verkefni á fallegum reit í Eyrarskógi sem varð fyrir tjóni í miðjun endurbótum.
Tjónið var að það kviknaði í kamínu og töluvert af klæðningu í lofti og hluta veggja brann. Þarf því að fara í lagfæringar innanhúss ásamt því að klára endurbætur utanhúss.
Byrjað hefur verið á að klæða húsið að utan, komin af stað stækkun á sólpalli og viðbygging er orðin fokheld. Viðbygging og geymsluskúr eru ekki á teikningum og ekki hefur því verið sótt um byggingaleyfi fyrir þessum hluta. Nýr eigandi þarf því að láta teikna upp og sækja um skráningu óskráðra hluta hússins ætli hann sér að fá þá skráða í fasteignaskrá eignarinnar.
Lýsing:
Eignin samanstendur af húsi með eldhúsi/stofu, tveimur svefnherbergjum, baðherbergi með sturtu og geymsluskúr.
Góður sólpallur er á þrjá vegu við húsið með fallegu útsýni móti suðri.
Húsið er vel varið gagnvart norðanátt af trjágróðri, fallegur timbur göngustígur frá bílastæði að húsi og sér bílastæði á lóð.
Eignin er með rafmagnskyndingu og með hitakút fyrir neysluvatn.
Birt stærð er 30,3 fm en til viðbótar er geymsla u.þ.b. 4-5 fm og viðbygging eru á bilinu 16 fm. Samtals er eignin því alls um 50 fm.
Skv. skipulagi svæðisins er leyfilegt að byggja allt að 240 fm á umræddri lóð og allt að 3 aðskild hús í heildina. Sjá nánar á skipulagi hér.
Húsið er selt eins og það stendur, með því efni og húsgögnum sem þar eru. Ath. verkfæri fylgja ekki með.
